Third Person’s POV
“BEARLENE!” hiyaw ng ina nito n’ong biglang bumangon si Bearlene mula sa pagkakahiga sa loob ng isang private room sa hotel at dumiretso sa CR para magsuka.
“Sinasabi naman kasing huwag mag-iinom ng marami, hindi pa rin nakinig,” komento muli ng kan’yang ina bago nito itulak ang kan’yang wheelchair upang sundan si Bearlene sa loob ng CR at himasin ang likod nito.
Naiwan namang nakaupo ang mayor at vice mayor ng San Ramon habang si Hendrix ay hinihilot na ang kan’yang sintido nito bago muling ibutones ang nakabukas n’yang suit.
“Uminom ba ‘yon, Lola Herms?” tanong ni Hendrix habang patuloy ang pagsuka ni Bearlene.
“Pagdating na pagdating wine agad ang inuna kesyo kinakabahan daw siya,” sagot naman ng mayora habang tinignan ang maliit na CR sa kuwarto kong nasaan sila
