Naka-receive na naman ako ng mensahe mula sa hindi kilalang numero.
Ngayon ay napatayo ako sa aking kinauupuan kaya napatingin sila sa akin.
"Anong problema, Kayt? Bakit gulat na gulat ka?" tanong ni Fleir.
Napatingin ako kay Luna at Sky. Masaya akong lumapit sa kanila. "Nakita na ang ating mga magulang. Magkakasama sila at ligtas sila," balita ko.
Napahawak si Luna sa kaniyang bibig at tuluyan nang naluha. Hindi na rin matimbang ang kasiyahan na kaniyang nararamdaman katulad ko.
Si Sky ay medyo naluluha na rin sa aking sinabi. Sana naman ay ang mga magulang na niya ang makatulong sa kaniya.
Tinext sa akin ang full address ng tinutuluyan ng aming mga magulang. Bukas na bukas din ay pupuntahan namin iyon.
Nananalangin ako na sana ay kasama nila si Laykienne.
Kinabukasan ay agad kami
