Napakunot ang noo ni Jaime nang madatnan niya sa sala ang sinasabi ng asawa niyang si Lyla na bisita niya.
“Governor Almazan,” malamig na wika niya rito.
Tumayo ito pagkakita sa kanya, “Good afternoon! Chairman Lorenzaga. I hope you don’t mind that I come here unannounced,” apologetic na wika nito sa kanya.
“It’s okay! What can I do for you?” pormal na wika nito.
“Chairman, hindi na ako magpapaligoy-ligoy pa sa pakay ko. Siguro naman ay may karapatan akong hingin ang kapalit ng pabor na binigay ng aming organisasyon sa iyo noon,” seryosong wika ng gobernador sa kanya.
“Anong ibig mong sabihin, Governor?”
“Nagka-usap na kami ni Simon tungkol sa aking anak at kay Calleigh. Alam ko rin na hindi kayo totoong kasal at kahit pasinungalingan mo ang bagay na iyon ay mayroon akong katunayan.
