Lumipas ang halos dalawang buwan bago nailabas ni Luis sa hospital ang kanyang anak na si Calleigh. Gaya ng kasunduan nila ni Alejo, pinalipat niya ang lahat ng kanyang pagmamay-ari sa pangalan ng anak. Ganoon din ang lahat ng minana ng kanyang asawa mula sa mga magulang nito ay isinalin ng abogado ng pamilya Zaldea kay Calleigh.
“Mangako ka akin, Alejo, na walang dapat makaalam nito,” saad niya sa lalaki habang pinipirmahan niya ang mga dokumento.
“Makakaasa ka, Luis! Ang inaalala ko, tingin mo ba hindi magdududa ang Papa mo?” wika nito sa kanya.
“Kung ang tungkol sa mamanahin ng anak ko mula sa akin ay walang magiging problema. Higit na mahalaga na walang dapat makaalam na minana din ng anak ko ang Zaldea Banking Corporation. Hindi alam ng Papa na konektado ang asawa ko sa banking emp
