Nakaupo si Daniela sa may buhangin habang malayo ang narating ng kanyang mga tanaw. Kung saan siya unang nag-emote kanina, doon din siya dinala ng kanyang mga paa habang tahimik na lumuluha.
Wala pang isang araw, marami na ang nangyayaring hindi maganda sa kanila ni Justin. Lalo na sa pagsama niya rito sa batangas.
Iniisip niya ang mga nangyayari simula kaninang pagdating pa lang nila. Para bang ang lugar na ito ay hindi para sa kanila. Pakiramdam niya, ang lugar na ito ay isinumpa. Napakamalas. Maganda nga ito pero kaakibat naman nito ay pasakit sa kanilang dalawa ni Justin. Parang sinasabi nito na hindi sila pwedeng maging masaya ni Justin sa lugar na ito. O, baka siya lang ang hindi nababagay sa lugar na ito.
Inisip niya rin si Justin simula nang makilala niya ito. Gumulo ang buha
