Hindi ako makatulog. Panay ang balikwas ko sa higaan. Bumabalik sa isip ko ang sinabi sa akin ni Tita. Kung paano raw mag-alala sa akin si Luke noong mga panahong wala akong malay.
Kanina naman parang wala lang ako sa kay Luke. Oo mukha siyang masaya kasi kasama niya na ako. Pero, talaga bang may iba pa siyang nararamdaman sa ‘kin? Hindi ko maintindihan. Hindi ko alam kung ano ang tumatakbo sa isip ni Luke.
Ayaw ko namang mag-assume. At ayaw kong masaktan si Luke kung sakaling totoo nga iyon. Hindi kami puwede. Bahagi lamang si Luke ng past ko at ako naman ay nasa future niya.
Sa kaiisip sa kaniya ay hindi ko namalayang nakaidlip na pala ako.
Gumising akong masakit ang puson. Ugh! Bakit ngayon pa? Ang wrong timing naman nitong red days ko. Saka wala akong napkin. Paano kaya ako nit
