THIRD PERSON POV:
MABILIS lumipas ang mga araw, linggo at buwan. Naging makulay at mas matibay pa ang pagsasama nila Alden at Larah. Katulad sa naging plano nila ay nagbalik na si Alden sa pamumuno sa kumpanya nito na mas pinalawig pa sa pagdaan ng panahon.
Sa opisina na rin silang dalawa nanirahan ni Larah. Pero may bahagi sa puso nila na kulang kahit napakatamis ng kanilang pagsasama. Kahit mas nakilala pa kasi ang Casanova Empire Group of Company na hawak ni Alden at masaya ang pagsasama nila ni Larah sa pagdaan ng ilang buwan. Hindi pa rin sila nabibiyayaan ng anak.
Hirap si Larah magbuntis dahil sa pagkakakunan nito noon. Pero hindi pa rin nawawalan ng pag-asa ang dalawa na makakabuo din sila. Dahil iyon na lang ang kulang sa kanilang dalawa. Ang magkaroon ng sarili nilang anak.
