SABI noon ng science teacher ni Angel, 'pag daw nasasaktan ang isang tao, mauuna ang utak sa pag- proseso ng sakit na 'yon bago maramdaman ang sakit na dulot ng kung ano man ang rason ng sakit, pisikal man o mapa- emosyonal. Sa gano'n daw kasi ay napo-protektahan din ang isang tao na hindi masyadong masaktan, na late nang masaktan. Sa gano'n din may tinatawag na taong mataas ang tolerance sa pain. Do'n tumitimbang. Kaya ewan ba ni Angel kung bakit nauna ang puso niyang makaramdam ng sakit ngayon. Sa puso nagmula. Puso ang nagsasabi sa utak niya na ang sakit naman ng tagpong dinatnan niya sa loob ng kuwartong 'yon.
Nang dire-diretso kasi siyang pumasok sa kuwarto-- ayon na rin sa utos ng lalakeng nagturo sa kaniya no'n, hindi raw uso kasi ro'n ang kakatok pa, 'pag kumatok daw, signal na ma
