"Oh, ngayon, ano na ang gagawin natin?" singhal ni Clyde kayna Max at Tom. "Sa nangyari, sa tingin ba ninyo maisasama pa natin si Tim at Cassandra sa lungsod? Mauuwi lang sa wala ang ipinunta natin dito."
Hindi mailarawan ang mukha ni Max. Talaga namang pinagsisisihan niya ang katabilan ng kaniyang dila. Habang si Tom naman ay naupo lang sa sulok habang sapo ang ulo at tahimik na umiiyak.
"Disaster! Disaster ang nangyari," wika pa ni Clyde. "We're supposed to enjoy. Hindi ganito." Naiinis nitong iniwan ang dalawa.
"I'm sorry," wika ni Tom kay Max. "It's my fault. Hindi ko na lang sana sinagot ang tanong mo. I had a choice not to answer, pero pinili kong magsabi ng totoo kong nararamdaman kahit alam kong magrereact nang ganoon si Tim."
"Hindi mo kasalanan," tugon ni Max. "Kasalanan ko.
