-----
***Vienna's POV***
-
Kuyom na kuyom ang aking kamao habang nakatitig ako kay Dylan. Ano kaya ang balak niyang gawin sa mga anak ko?
Samantala, si Dylan ay nakatulala, awang ang labi, habang sapo ang pisngi na nasampal ko. Halatang naguguluhan siya sa biglaan kong pagsugod, marahil hindi niya inasahan na malalaman ko agad ang ginawa niya sa mga anak ko. Pero hindi ako magpapalinlang. Hindi na ako natatakot sa kanya. Alam kong may masama siyang binabalak laban sa amin ng mga anak ko—at sa tingin ko nagkukunwari lang siyang may amnesia.
"Saan mo dinala ang mga anak ko? Ibalik mo sila sa akin ngayon din!" galit kong sigaw, ramdam ko ang panginginig ng aking boses dahil sa tindi ng emosyon.
"Dylan, pare, ilabas mo na ang triplets," sabat ni Emanuele, halatang nais niyang pahupain an
