-----------
***Vienna's POV***
-
Hindi ko ibinigay kay Aling Linda ang contact number ko. Naalala ko kasi na maraming kaaway si Dylan, at naisip ko na baka isa sa mga iyon ang sinasabi niyang naghahanap sa akin—na posibleng gamitin lamang ako laban kay Dylan. Bukod pa roon, tila imposible rin ang sinabi ni Aling Linda na maaaring kamag-anak ko ang taong iyon. Ayon kasi sa papa ko, walang ibang nakakaalam ng tungkol sa akin, kaya’t malabong may maghanap sa akin mula sa pamilya ng aking ina.
Kasalukuyan akong naghihintay ng taxi, at napagpasyahan ko na ring umuwi sa apartment upang makapagpahinga. Kanina, pakiramdam ko’y emosyonal lamang akong pagod, ramdam ko ang bigat sa aking dibdib. Ngunit ngayon, tila hindi na lang emosyonal ang pagod ko—parang hinihigop na rin ng katawan ko ang lah
