Buti na lang dahil alas kwatro pa ng hapon magaganap ang birthday celebration ni Iso. Kinaumagahan kasi, pagkagising ko, kahit na nakaantabay sa akin si Carlo magdamag ay halos lagnatin ako sa sobrang pananakit ng pagitan ko. May kung ano siyang herbal na ipinainom sa akin upang maibsan daw ang pananakit. Naging effective naman kahit papaano kaya nang makalipas ang ilang minuto, nakayanan ko nang tumayo at lumakad patungong hapag.
“Sumasakit pa?” nag-aalala niyang tanong habang naghahanda ng pagkain. Saglit kong pinasadahan ang sarili ko at nakitang gray t-shirt niya pala ang aking suot kaya naging oversized ang dating. Samantala, tanging pang-ibaba lang ang nakikita kong kasuotan niya sa ngayon. Siguro dahil hindi pa siya umuuuwi sa tinitirhan niya at suot-suot ko ang pang-itaas niya
