Chapter 8: LIEL LEVY
"Get out of here! Get out!" Sigaw ng may edad na babae. Mabilis na dinampot ni Liel ang tinapay na nahulog sa lupa bago kumaripas ng takbo. Habang tumatakbo, nakita niya ang isang matandang babae na namimigay sa isang supot na pagkain sa hindi kalayuan kaya naman mas binilisan pa niya ang pagtakbo. Humahangos na inilahad niya ang mga kamay sa matandang babae pero nakita niyang wala ng laman ang basket nito. Gusto niyang maiyak. Gutom na gutom na siya. Naramdaman niya ang mainit na likido sa kanyang magkabilang pisngi habang nakatitig sa papalayong matandang babae. Tumalikod siya at naglakad patungo sa kung saan. Ewan. Wala naman siyang mapuntahan.
Ito ang kanyang buhay. Sobrang hirap. Ni hindi niya alam kung ano ang kanyang pangalan at kung ilang taon na siya. Hindi
