"Sorry, baby ko, ngayon lang ako dumating," wika ni Niccolo.
Ngumiti si Callie. Hinapit siya sa beywang ni Niccolo at hinagkan sa noo.
"Malamig na ang mga niluto ko. Hindi na masarap," wika ng dalaga. Nang mga oras na iyon ay nakaalis na si Stella.
"Pwede namang initin. Masarap pa rin iyan. Ikaw ang nagluto, eh," wika naman ni Niccolo.
"Gutom ka pa ba?"
"Hindi, pero gusto kong kumain ng niluto mo. Ayaw ko namang palagpasin, syempre may ingredients na love ang mga luto mo, 'di ba?"
Inakbayan niya si Callie at pumasok na sila sa bahay. Ininit ni Callie ang mga pagkain.
"Niccolo," tawag ni Aling Rosa. Kaagad namang lumapit dito si Niccolo. "Pwede ba kitang makausap nang masinsinan?"
Tumikhim si Niccolo. Bumilis nang bahagya ang t***k ng kanyang puso. "Oo naman ho, Aling Rosa."
"Sa
