"Kumusta na ang pakiramdam niyo, Boss? Mabuti na lang at hindi kayo napuruhan nung halimaw na 'yun?" tanong ni Berto kay Congressman Richard. Nahagip kasi ito ng matatalas na kuko ni Zyros noong sinugod sila.
"Daplis lang ito, Berto. Isa pa, malayo ito sa bituka," sagot naman nito habang naglalagay ng bandages sa braso niya. Braso niya kasi ang ginawa niyang panangga noong sinugod siya Zyros.
"Mabuti naman, Boss. Atleast ngayon, alam na natin kung sino ang kalaban natin ngayon. At isa pa, paniguradong napuruhan din siya, Boss."
Ngumisi ng mapait si Congressman dahil sa sinabi ni Berto. Nang sanggain niya kasi ang ginawang pag-atake ni Zyros ay pinaputukan niya iyon ng baril sa tagiliran. Kaya't hindi na naulit pa ang pag-atake na ginawa ni Zyros dahil napaatras na siya. Alam nila na tu
