Mabilis na lumakad pa ang panahon, hindi nabahiran ang kanilang relasyon ng pagtanggi ng dalaga sa singsing na nais ibigay sa kanya ni Damian. Nagpatuloy pa rin ang kanilang relasyon. Magmula ng gabing may mangyari sa kanila ay doon na natulog si Gucci sa silid niya, minsan ay nakakatulog siya sa kanyang sariling silid, ngunit sa kanyang paggising ay nasa tabi niya na si Damian. O kung hindi naman ay nasa tabi na siya nito, sa kabilang silid. Paano siya lumipat? Binubuhat siya ni Damian patungo sa kanyang silid habang siya ay mahimbing na natutulog doon. Araw-araw silang namuhay na masaya at mag-asawa sa loob ng tahanang iyon ni Gucci.
“Mahal, maghahanda ka ba ngayong darating na iyong kaarawan?” isang tanghali ay tanong ni Damian sa dalaga, nasa gitna ng bakuran silang dalawa, malapit
