Hindi ko alam kung paano ako nagawang mailabas ni Isles sa shower. Kung paano niya ako napatahan matapos ang mahabang minuto ng pag-iyak. Basta ay binalot niya na lang ako sa tuwalya.
Ayaw ko pa sanang lumabas at tanggalin ang basang-basang roba na suot ko para mailagay niya sa ‘kin nang maayos ang isang tuyong towel pero pagod na ako sa pag-iyak kaya sumusunod na lang ako sa kaniya.
Matagal din kami sa ganoong lagay. He patiently waited for me to stop crying. Nang mapagod ay tinulungan niya na akong makalabas. Pati sa paghagilap ng damit na masusuot ay tinulungan niya rin ako habang ako ay nakatayo lang sa may pinto at iniinda ang lamig.
“Alin dito?” tanong ni Isles habang naghahanap ng damit sa isa sa mga bag ko.
“Iyong red...” sagot ko nang makitang naiangat niya ang isang pulan
