Naunang bumitaw si sir Kael nang sabihin iyon ni Jino, mukha ngang nagulat pa ito sa bigla nitong pagsulpot sa likuran ko. Si Pierre naman kung hindi ko pa hinila para bawiin sa pagkakahawak niya ang braso ko ay hindi pa niya bibitawan.
"J-Jino, tara na." Kumawala ako sa kanya, at niyaya ko na agad itong umalis dahil hindi maipinta ang mukha nya.
Nagsama ba naman sa iisang lugar yung dalawang kinaiinisan niya, and I don't feel good about this. Maalala ko palang yung galit nya kay Pierre sa ginawa nito sa akin sa nakaraang party ay nag-aalala na ako sa posibleng mangyari ngayon, narito ba naman ang mokong sa lugar at oras na hindi naman siya dapat nandito.
"I thought I was cle—umph!" Mabilis kong tinakpan ang bibig ni Jino bago pa man niya matapos ang sinasabi niya na nakadirekta sa dati
