Bigla akong bumangon dahil parang gustong lumabas ng mga kinain ko. Jusko! ano bang nangyari sa akin? Parang nanghihina ako.
"Mine, ano bang masakit sa 'yo?" nag-aalalang tanong sa akin ni Hendrex.
"Nasusuka lang ako," nanghihinang sagot ko rito. At nagmamadali nang lumabas ng kotse.
Agad na lumapit ito sa akin at pagkatapos ay pinainom ako ng tubig ni Hendrex ng makasuka na ako. Medjo na-ayos na ang aking pakiramdam, hindi lang siguro na gustuhan ng tiyan ko ang mga kinain ko kanina.
Nagulat pa nga ako nang inayos pa ni Hendrex ang buhok ko, kumuha rin ito ng panyo upang punasan ang noo kong puro pawis na rin.
"Wala na naman laman ang tiyan mo dahil naisuka mo," nag-aalalang wika sa akin ni Hendrex. Inalalayan akong makabalik sa kotse nito.
"Jelly, lumipat kayo sa likod at diyan ma
