"PUT-" Hindi naituloy ng tomboy ang pagmumura nang makita ang paglapit ni Bubot. "Sumabay ka na sa akin. Babalik na tayo sa inyo," anito.
Tumango si Bubot matapos tignan ang tulog na taga D.S.W.D..
"Tang-ina ka, Bubbles. Ipapahamak mo kami ni Labo dahil sa kalandian mo. Pinababantayan ko sa'yo ang anak ni Bibeng pero ang ginawa mo tumoma. Dito ka pa dumayo ng tulog, tang-ina ka. Ang sarap mong pigain at isampay." Bulong ni Toni- ang tomboy, habang inaangat si Bubbles mula sa kinasusubsuban. Nalaman nitong lasing ang kaibigan mula sa isang batang inutusan ng mga baklang kainuman.
Sumunod naman si Bubot sa babaeng kung kumilos at magsalita ay parang lalake at sa inaalalayang lalake na kung kumilos at magsalita ay parang babae.
"Ipasok mo na muna sa loob para makapagpahinga. Pagpasensiy
