“Okay ka na ba? Bakit ano bang nangyari?” nag-aalalang tanong ni Sheila ng makauwi na si Kath. Hindi niya na naabutan ang anak dahil malamang nasa school na ito.
“Okay na ako, kamusta si Xander?”
“Huwag mo siyang alalahanin dahil okay lang siya, ikaw ang inaalala ko. Bakit kayo nakulong sa ice room?”
“Sinabi sa amin na nagloloko na nga ang ice room, pinasok namin ni Xandro yun para tingnan ang nasa loob kaso biglang nagsarado yung pintuan.”
“Sinabi na pala bakit pumasok pa rin kayo?” napabuntong hininga na lamang si Kath dahil sa napakaraming tanong ng kaibigan.
“Hindi naman kasi sinabi sa amin na pati pala yung pintuan ay kusang nagsasarado at naglolock.”
“Hindi ka ba papasok ngayon?”
“Papasok ako mamaya sa tanghali na.” tumayo naman na si Sheila at nagtungo sa fridge nila.
“Ma
