“Paano kung hindi pala hopia? Bahala ka na nga. Pero basta, I warned you. Go and check na lang kasi kung si Dara nga. Malay mo naman baka mag-push pa ang plano.” Pagkababa ng tawag ni Miles ay agad siyang naglakad papunta sa may bintana katabi ng front door. Kita doon ang gate. Saktong pagsilip niya ay narinig niya ang paghinto ng isang sasakyan. Halos idikit niya ang mukha sa may bintana para lang maaninag kung sino ang dumating. He almost shouted in glee when he saw Dara walking up the path with a worried expression. Hindi na nagpatumpik-tumpik pa si Dash. Tumakbo siya papunta ng sofa at muling nahiga. Hindi man niya alam ang itsura ng picture na ipinadala nina Ezra ay ginaya na lang niya ang pwesto ng mga taong lasing kahit wala naman na siyang tama sa alak. Tama kay Dara ay matindi.
