“Nandito na tayo, boss..”
Napadilat ako ng mata nang tumigil ang sasakyan. Ang inaasahan kong makikita ko ay ang labas ng bilyaran pero nasa tapat kami ng isang building ng isang apartment.
“Bakit dito mo kami dinala?” Iritadong tanong ng nakapikit pa rin na si Jupiter na akala mo’y nakita na niya ang paligid.
“Delikado sa bilyaran ngayon, boss. Dito na muna tayo ngayon, mukhang safe naman dito—”
“Kaninong lugar ito?” Tanong ko kaya napalingon ang dalawa sa’kin.
“Kay Rigo Ignacio, master.”
Nakuha no’n ang atensyon ko at pinagmasdan ang paligid. Naalala ko ang itsura ni Rigo bago ako dakpin ng mga tauhan ni Oba. Duguan siya at ang kanyang suot na damit.
“Nandyan ba si Rigo sa loob?” Tanong ko at hindi nakaligtas sa paningin ko ang matalim na tingin sa’kin ni Jupiter bago ito umirap.
