KABANATA 12.2
Hindi maipinta ang mukha ni MaCa habang binabagtas ang daan patungo sa napag-usapan nila ni Clyde. Di kasi naihatid ni Manong Pilo ang dalaga dahil mayroong naging biglaang aktibidades ang kaniyang nakababatang kapatid sa kanilang eskwelahan kaya’t mas pinauna iyon ni MaCa dahil magiging hassle para kay Ricky kung pasasamahan lamang ito sa yaya upang mag-commute. Ang pinakadahilan ng dalaga kung bakit gano’n na lamang ang pagmamaktol na makikita sa ekspresiyon ng kaniyang mukha’y ang pagsunod ni Pinkie sa bawat balaking pag-alis animo nagmimistulang gwardiya sibil at dinaig ang kanilang drayber na mataman din ang pagmamasid sa kaniyang bawat kilusin. Ang bawat hakbang ni MaCa ay siya ring sinusundan ng kaniyang kasamang nilalang. Hindi makaalis o lusot ang dalaga kahit wala naman riton
- Writer
