NANLIIT NA ANG mga mata ko habang nakatingin kay Demetrius. Para kasi siyang baliw na palinga-linga sa akin. Akala mo ay bigla akong mawawala sa paningin niya.
Hmm. . . Pero kung tutuusin puwede nga naman ako mawala sa paningin niya. Muli kong tiningnan ang maputla kong mga palad. Napangisi ako.
Bakit pa kakailanganin ng gluta? Eh, isang kagat lang ni Demetrius instant puti na!
"Are you okay? Why are you looking at your hands?" tanong niya. Lumapit siya at umupo sa aking tabi.
Saglit ko siyang tiningnan bago muling ibinalik sa mga kamay ang atensyon.
"Tingnan mo, oh! Ang puti at ang kinis na ng mga kamay at braso ko! Hindi na ako iitim!" nasasayahan kong bulalas.
Ipinakita ko sa kanya ang mga kamay ko. Bumaba ang tingin niya roon. Masuyo niyang kinuha ang aking mga kamay at hinalikan
