Tahimik lang akong kumakain ng spaghetti ngayon habang iniisip pa rin yung nangyare kanina. Bawat ikot ng tinidor ko sa pasta, parang sumasabay yung gulo ng utak ko.
Ano nang gagawin ko ngayon? Alam na ni Jeremy kung sino ako. Kung ano talaga ako. Kung anong itsura ko dati.
Ramdam ko yung panlalamig ng mga daliri ko habang hawak yung kubyertos. Paano kung ikalat niya? Paano kung bukas pagpasok ko sa university, lahat sila nakatingin na sa akin at pinagtatawanan ako? "Uy, si Alexa pala yung matabang nerd dati!" O kaya sabihin niya kay Althea tapos... tapos gagawin na naman nilang impiyerno yung buhay ko. Yung iniingatan kong image, yung pilit kong binuo sa loob ng dalawang taon, baka sa isang iglap lang, maglaho na parang bula.
“So, you invited me to dinner and you are not even going to
