Tinanggal niya ang kanyang sunglasses at tumingin nang diretso kay Mang Tacio. Ang kanyang mga mata ay kasing-lamig ng yelo, pero ang bawat titig ay nagliliyab sa galit.
Dahan-dahan siyang humakbang papalapit sa matanda. Ang bawat yabag niya sa tuyong lupa ay tila handa na siyang harapin kahit sinumang tao.
"Utang?" mahinahon ang boses ni Ledger, pero may talim na parang kutsilyo. "Iyon ba ang isinalubong mo sa asawa ko pagkatapos ng mahabang panahon?"
Napalunok si Mang Tacio, pilit na itinatago ang panginginig ng kamay na hawak ang lumang notebook. "O-oo! Maraming utang ang pamilyang ito! Hindi sila pwedeng umuwi rito na parang walang nangyari!"
"Everything has a price, Mang Tacio," malamig na tugon ni Ledger. Inilabas niya ang kanyang phone at may tinawagan. "Mrs Jimenez, I want the
