Dalawang taon na ang lumipas. Dalawang mahabang taon ng pagtitiis, pananabik, at walang hanggang pag-asa. Pag asang buhay pa ang asawa niya, ni minsan ay di siya tumigil sa paghahanap dito. Noong una ay halos napabayaan na niya ang kanyang mga negosyo at ang kanyang pagiging abogado, pero kalaunan ay nag umpisa siyang bumangon. Inisip niya na anong ipapakain niya kay Roan at sa mga anak nila kung pababayaan niya ang kanyang kabuhayan? Kaya doon siya gumawa ng taktika kung paano ang gagawing paghahanap.
Sa mga weekend niya ginugugol ang kanyang oras sa paghahanap, ilang kamukha na din o kahawig ang nakita niya at ng mga imbestigador na kanyang binayaran para maghanap dito. Walang lumabas na balita para narin sa kaligtasan ni Roan kung sakali. May mga pagkakataon na gusto na niyang sumuko,
