Clark
Mabilis akong sumunod kay Tito at hindi ko alam kung saan kami pupunta dahil halos lumabas na kami ng hospital at pumunta kami sa mismong parking lot ng gusali. Nakasunod ako sa kanya habang hawak ko ang dumudugo kong ilong na may tissue. Sh*t. Ang sakit at pakiramdam ko ay parang mababali pa yata ang buto ng ilong ko.
Maya-maya ay nakarating kami sa isang café kung saan ay kunti lang ang tao dahil iilan pa lang ang dumadating at dahil sa maaga pa. Nag-order ng kape si Tito para sa aming dalawa at saka siya umupo sa mesa na malapit sa bintana at iyong walang makaririnig sa amin masyado. Habang hinihintay namin ang aming order ay seryosong nakatingin sa akin si Tito at hindi ko alam kung ano ba talaga ang nangyari.
“Do you know what happened to my daughter?” Umiling ako sa tanong n
