“So? Pupunta ka naman ba?”
Nakataas ang kilay na tanong ni Mitz sa akin nang isang umaga ay pumunta s’ya sa YM Hospital para sa monthly check-up n’ya. Habang naghihintay sa schedule n’ya ay dumaan muna s’ya sa clinic para makipagkwentuhan sa akin. At dahil ilang araw nang gumugulo sa isip ko ang tungkol sa darating na birthday party ni Raven ay nagpasya akong sabihin ‘yon sa kanya. At ang babaeng ito ay wala na namang ginawa ang pilitin ako na pumunta at pilit sinasabing wala namang masama, unless ay may nararamdaman pa akong ka-bitteran dahil sa kinahinatnan ng nangyari sa relasyon namin! “Alam mo, Kira. Ikaw lang naman talaga ang naglalagay ng barriers sa mga Yu. Although, kapamilya nila ang ex-boyfriend mo ay wala naman silang kasalanan sa nangyari sa inyo. Magkaibigan na noon pa man a
