ANG MAALIWALAS na mukha at matamis na pagkakangiti niya ay nabura sa mukha at napalitan ng pagtataka. Malayo pa lang ay tanaw na n'ya ang bahay nila. Sigurado s'yang hindi sa dahilang nahatak na naman ng mga taga-Meralco ang kawad ng kanilang kuryente kung kaya madilim ang loob at ang tapat ng kanilang bahay, dahil bukod tanging ang bahay lang nila ang walang nakasinding ilaw. Napabilis ang kanyang paghakbang palapit. Ang anak na si Tintin ang agad n'yang naisip.
Nang buksan n'ya ang pinto ay kinapa n'ya na lang ang switch ng ilaw. Ubos na kasi ang palito ng kanyang posporo. Nang kumalat ang liwanag sa buong bahay ay agad na bumungad sa kanyang paningin ang mga kalat. Ang sofa na hindi man lang naiayos ang sapin. Ang mesang tila isang chess board na ang mga tasa at baso ay nakapatong sa i
