Chapter 85
"Okay, okay i'm on my way." naiiling na sabi ni Gino at aburidong inilapag ang cellphone sa dashboard ng kotse habang nagmamaneho siya papunta sa isang bar.
Tinawagan siya ng isa sa mga kaibigan ni Ariella. Kapwa modelo nito. Lasing na lasing na raw ito at nagwawala pa. Siya raw ang hinahanap. Kaibigan pa rin naman niya ito kahit na madalang na sila magkausap at magkita. Hindi niya ito pwedeng pabayaan dahil baka mapahamak pa ito. Kalalabas lang niya ng opisina tapos iyon pa ang sasalubong pag-uwi niya.
T-Bar & Restaurant. Nang makarating siya doon, mabilis siyang bumaba ng kotse at pumasok. Napakaingay at matao sa naturang lugar. Nakakabingi pa ang tugtog sa sound system. Hinanap ng mga mata niya si Ariella hanggang sa mapagawi ang mata niya sa bar counter. May babaeng nakad
