Chapter 83
"Wala ka na bang sasabihing matino?" pagtataray niya pa rin kay Gino.
Promise niya sa sarili na hindi siya bibigay sa mga salita nito! Tumitig lang ito sa kanya imbes na sumagot. Napalunok siya. Iyong klase ng titig nito parang kinakabisa ang bawat bahagi at sulok ng mukha niya. Nakakapanlambot ng tuhod.
"Layas!" tulak niya dito pero hindi ito natinag.
Napaigtad siya nang pumulupot sa katawan niya ang magkabilang braso nito.
"G-Gino! Isa!" halos mabulol na banta niya.
"Dalawa baby." nakangising anito at lalo siyang nataranta nang ikiskis nito ang matangos nitong ilong sa ilong niya.
"B-Bakulaw ka! Bitawan mo ko! Sisigaw ako!"
"Hahalikan naman kita." nanunudyong anito.
"Gino! Ano ba talagang gusto mo?"
"Simple lang. Gusto ko mag-usap tayo."
"Ano’ng pag-uusapan?! At sak
