KAHIT napuyat ako kagabi ay maaga pa rin ako nagising.
Hindi ako gaanong nakatulog.
Hindi dahil sa namamahay ako, kun 'di sa sinabi ni Jude sa akin kagabi.
Masyado na talagang obvious ang kalungkutan ko kaya pati siya ay nahahalata na.
Sabagay ang alam naman niya kasi ay namatay si mommy. Wala ng iba pa.
Naalala ko pa nga na pumunta sila no'ng pangalawang araw ng burol ni mommy. Three days lang naman ibinurol si mommy noon. Ayaw ko pa nga sana dahil gusto ko pa siyang makasama ng mas matagal. Pero hindi maaari ang hiling ko kaya sobrang lungkot ko noon at hindi na ako makausap nang kahit na sino. Kaya nga hindi ko siya noon na-entertain dahil nakabantay lang ako sa tabi ng kabaong ni mommy. At nang mailibing naman si mommy ay halos hindi na rin ako umalis sa sementeryo. Kung hindi
