NAGTUNGO si Margarette sa bahay ni Mang Carding. Nakausap niya ang asawa nito na si Manang Ising. Umiiyak na inamin sa kanya ng ginang na hindi napupunta sa maintenance ng bahay ang perang ipinapadala ng mama niya sa mga ito.
“Patawarin n’yo po kami, Ma’am. Hindi po namin sinasadya. Nagipit kami nang husto at wala kaming ibang pagkukunan ng panggastos sa araw-araw. Nagkasakit ako at napunta sa mga gamot ko ang mga ipinapadala n’yong pera. Pagkatapos kong magkasakit ay dalawang anak ko naman ang naratay sa ospital. Kinailangang operahan ang isa sa sikmura. Mabait na tao po ang asawa ko. Balak naman po naming ibalik ang pera kapag nakaluwag-luwag kami. Dahil na rin sa kaabalahan namin sa mga anak naming nagkasakit, hindi na niya naasikaso ang bahay. Pero huwag po kayong mag-alala, Ma’am, ib
