“MARIA ADELAIDA!” tawag ni Sir Rolf na narinig ko. Base sa oras, tinawag niya ako para magpaalam. Palabas na siya para pumasok sa opisina. Presidente raw ng sariling kompanya si Sir Rolf ayon kay Ate Mimay. Ang posisyon na dating hawak ni Sir Amante. Hindi lang daw mga ari-arian ang pag-aari ng mga Verracia, mga investments na kumikita bawat minuto—na hindi na lubos na naiintindihan ni Ate Mimay kaya hindi na ikukuwento. Basta mayamang-mayaman raw si Sir Amante pero mas piniling mamuhay nang hindi marangya. Mas malaki raw ng porsiyento ng inilalabas na pera sa bawat buwan ay ginagasta sa pagtulong at hindi sa luho. Kinagisnan raw ni Sir Rolf ang ganoong pamumuhay ng ama.
Maraming alam si Ate Mimay dahil dalagita pa raw ang babae ay nasa poder na ng mga Verracia sa Corazon. Kus
