"Jealousy will show
you my worst side."
ANONG oras na pero wala pa rin si Arion. Maaga siyang umalis. Sabi niya sandali lang daw siya sa labas.
Hindi naman sa hinihintay ko talaga siya pero what if, nakipagkita siya doon sa lagi niyang ka-chat? Tapos pumunta silang hotel tapos... argh! Ayoko nang mag-isip. Bahala nga siya sa buhay niya!
Dapat kasi hindi ko nalang siya pinatawad. Pakiramdam ko talaga, nang dahil do'n, naging kampante siya na maayos na ang lahat.
Nasaan na 'yong sweet na Arion? Iyong pinagluluto niya ako at inaasikaso, nasaan na? Punyeta sa una lang magaling.
"Tanghaling tapat nakasimangot ka, Maleha."
Nag-angat ako ng tingin. Aries is here.
Oh, I think I forgot to lock the main door. Kung sabagay, ayoko rin ng sarado iyong bahay kasi parang kulong na kulong ako.
