Maagang nagising si Caleb nang araw na iyon, puno ng kasabikan. Matagal na niyang binabalak na ayusin ang nursery room ni Alonzo, ngunit dahil sa mga gawain at alalahanin ng nakaraang buwan, napagpasyahan niyang unahin ang ibang bagay. Ngayon, handa na siya; ang araw na ito ay para kay Alonzo.
“Fina, gusto ko na talagang matapos ang nursery ni Alonzo,” sabi ni Caleb habang nakaupo sila sa mesa ng kusina, naghahanda ng kanilang agahan. “Gusto ko magkaroon siya ng lugar kung saan puwede siyang makapaglaro, makatulog, at… maramdaman niyang may sariling mundo siya.”
Ngumiti si Fina at sumang-ayon. “Sigurado akong magugustuhan iyon ni Alonzo. Sobrang excited na ako na makita siyang tumatakbo’t naglalaro sa sariling kwarto niya.”
Matapos nilang mag-agahan, agad silang nagtungo sa kuwartong ma
