"Corn dog, boss?" masayang bati ni Nick.
"Bigyan mo ako ng sampu," ngumiti rin si Devon.
Bahagyang natigilan ang kaharap nang makita si Julianne na sumunod pala sa kanya pero muli itong ngumiti at kumuha ng corn dog mula sa malaking cooler.
"Alam mo, pamilyar ka," hindi nakatiis na sabi ni Devon. Gusto niyang matawa nang maramdaman ang pasimpleng pagsipa ni Julianne sa paa niya. Nakayuko ito at kunwari ay sa corn dog nakatingin. Halatang itinatago ang mukha kay Nick.
"Bakit niyo naman nasabi, sir?" wala pa ring kamalay-malay na nag-priprito ng corn dog ang lalaki.
"May kamuka ka e."
"Marami ka ngang kamuka," agaw ni Julianne sa iba pa niyang sasabihin.
"Ikaw din, ma'am," sabi naman ni Nick kay Julianne. "Kamuka mo 'yung mayor sa kabilang bayan."
Alanganing ngumiti si Julianne.
Kum
