***Grace POV***
"ANONG nangyari? Trending kayo ni Jasmine sa buong campus ah. Nursing student at tourism student nagsampalan daw. Reyal o fakeh?" Usisa sa akin ni Nene pagpasok nya sa kwarto ko. Kasunod nya si Agatha.
Kakauwi lang namin galing school at kabibihis ko lang. Wala akong kinuwento sa kanya kanina kaya wala pa syang alam. Mukhang nakasagap lang sya ng balita mula sa mga tsismosa naming schoolmate.
"Anyare, Mira? Talagang nagsampalan kayo ni Jasmine. Wala kasing video, eh. Usapan lang sa gc." Turan naman ni Agatha.
"Kaya pala bigla kang nawala kanina. Sabi ko naman sayo tawagin mo ko kapag inaway ka nya." Ani Nene.
"Shh! Huwag kayong maingay. Marinig kayo ni mama." Saway ko sa kanilang dalawa at pinasara ang pinto. Ang lalakas kasi ng mga boses.
"Magkwento ka na kasi."
