***Mira POV***
HININTO ko ang motor sa tapat ng gate ng rest house. Pinatay ko na ang makina ng motor at bumaba na. Kinuha ko ang plastic bag na nakasabit sa handle ng motor na may lamang longganisa.
Lumapit ako sa gate pero sarado ito. Tumingin ako sa rest house na dalawang palapag. Semento ang ibaba at kahoy naman ang taas na may balkonahe pa. Sarado ang main door at mga bintana pero nasa garahe ang sasakyan na laging gamit ni Alessandro. Ibig sabihin ay nasa loob sya.
Tumikhim ako at tinawag na ang pangalan ni Alessandro.
"Sir Alessandro! Sir Alessandro!"
Ngunit nakakailang tawag na ako sa kanya ay walang lumalabas sa pinto.
Hindi kaya tulog pa sya?
Sinilip ko ang oras sa suot kong relo. Alas diez na ng umaga. Baka nga tulog pa. Ganito ang mga tulog ng mayayaman eh. Tanghal
