Kinagabihan ay nagpunta si MJ sa bahay. Hindi na kasi ako bumalik sa studio matapos kong makausap si Ram tungkol kay Nathan.
“Hoy!!! Ano sa akin na lang na ang studio, ganoon?!” bulalas nito nang pagbuksan ko siya ng pinto.
Grabe ang tawa ko sa kaniya dahil aminado akong nakalimutan kong bumalik kaya naman hindi ko siya masisisi kung bakit nang-gagailaiti siya ngayon.
“Sorry, nagkaroon kasi ako ng dalawang bisita kanina,” ani ko.
Sakto pagkaupo niya sa couch ay sinamaan niya ako ng tingin at tila ba iniisip kung sino ang bisita na tinutukoy ko. Siguro halos limang minuto rin ang titiganan naming dalawa ni MJ hanggang sa tuluyan na siyang magtanong.
“Kahit anong isip ko ay wala akong mahugot na pangalan sa kung sino man ang dumalaw sa iyo kanina, sino nga ba?” turan niya.
“VJ and Ram,
