Chapter 12
Jennifer
Lumipas ang ilang araw simula nang masiraan ako ng sasakyan at matulungan ni Reynold Johnson. Tahimik lang ako sa trabaho sa RCA—ginagawa ang mga assigned tasks, pumapasok nang maaga, umuuwi nang diretso. Pilit kong iniiwasan ang kahit anong komplikasyon, kahit pa ramdam kong hindi pa tapos ang mga kaganapan sa paligid ko.
Hindi ko rin alam kung anong pakiramdam ang dapat manaig—pagpapasalamat, kaba, o takot.
Pero ngayong umagang ito... iba.
Nagising ako nang maaga, gaya ng nakasanayan. Bumangon ako at tumungo sa kusina. Habang nagtitimpla ako ng kape, automatic na kong binuksan ang TV—balita sa umaga, para malaman ko kung may traffic o weather advisory.
Pero hindi iyon ang bumungad sa akin.
"Breaking news: Isang bangkay ang natagpuan sa isang bakanteng lote na
