Nang makadaong sa baybayin ang yate ay tinakluban niya ang kanyang buong ulo ng tela. Tanging mga mata lang niya ang nakalitaw. Papadilim na ang kalangitan, nakabukas na ang mga ilaw sa paligid ng isla. Iginiya siya ng dalawang tauhan papunta sa malaking villa. May mga tauhan na nakatayo sa paligid. Pinagbuksan siya ng pintuan. Nang makapasok siya sa loob, sumalubong sa kanya ang anim na pares ng mga mata. Naka maskara ang mga ito ng tiger, bull, fox, dragon, lion at wolf. Sumenyas ang kamay ng taong nakamaskara ng wolf sa tauhan na nagdala sa kanya. Yumuko ang mga ito at umalis.
“Where the hell have you been?” galit na wika sa kanya ni Wolf.
Halos magkakasingtaas ang anim at di nalalayo ang built ng katawan ng mga ito.
Inalis nito ang maskarang suot, ganoon din ang limang lalaki. Mas
