AGAD na sumugod sa hospital ang mga kapatid ni Nixon na sina Dixon at Nathan nang ipalam niya ang kalagayan ni Theia. Kasalukuyang kinukuhanan ng dugo ang dalawang kapatid.
Nasa labas siya ng operating room. Kahit sinabi ng mga nurse at doctor na magpahinga siya ay di niya inintindi ang mga ito. Walang ibang mahalaga sa kanya kundi ang matiyak ang kaligtasan ni Theia.
Nagpaalam ang lalaking kasama niyang nagdala kay Theia na may kailangang gawin ito. Bago umalis ang lalaking nagpakilalang Valentin, seryosong kinausap siya nito.
“Kailangan kong bumalik sa gasolinahan, Mr. Del Rio. Nandoon ang mga kasamahan ko. Maiiwan si Ryan para magbantay kung sakaling may mga kalaban na nakasunod sa atin.”
Nanatiling hindi siya umiimik.
“Hindi ko alam kung totoo ang sinabi mo kanina, Mr. Del Rio. P
