Tinatanaw ni Theia ang pagsasanay na mga tauhan. Matapos niyang magamot ang kanyang sugat ay agad silang bumalik ni Valentin sa mansion. Batid niyang ilang araw na lang ay haharapin na niyang muli ang mundong pilit niyang tinakasan. Pero higit sa ano pa man ay mas inaalala niya ang kanyang kapatid at ang buhay na nakakasalay sa pagtatagumpay ng misyon na di niya nagawa noon. Kailangang gawin niya ang kanyang misyon para sa Kuya Greggy niya at sa taong kailangan niyang protektahan.
Three years ago,
Nairaos nila ni Lena ang panel interview pero hindi mawala sa isip niya ang CEO ng H.E. International. Isa pa, naiinis siya kay Ms. Digna. Kasama ang babae sa nag-interview sa kanya. Puro sarcastic ang tanong nito na halatang ayaw siyang makapasa.
"Couz, okay ka lang ba?" puna ni Lena sa panan
