Chapter 15
Binuhat nila si Jethro sa kwarto niya. Sina Prince Zoltar, Prince Aes at Prince Feesy lang ang nasa loob ng kwarto habang kami na natira ay naiwan sa opisina niya, kasama si Callie. Nakaupo kaming lahat pwera kay Prince Fuego na nakasandal sa yelong pader na naka-cross arms. Ako, nakatingin ako sa aking mga kamay na nakalapag sa lap ko na puno ng pag-aalala ang mukha. Ano bang nangyayari kay Jethro?
“Malamang nagtataka ka na kung bakit sila nandito kaya okay lang kung magtanong ka,” sabi ni Callie na naging dahilan para mabasag din ang katahimikan.
Doon lang ako bumalik sa katotohanan sabay namang napatingin ako sa kanya. Ako ba kausap niya? Malamang. Ako lang naman nakakaintindi nun sa lahat ng nandito sa opisina ni Jethro.
“Uhm ano inaalala ko kasi si Jethro,” sagot ko na
