KAYA ba niyang magpatawad? Kaya ba niyang ibigay muli ang tiwala kay Gemma? Hanggang ngayon ay iniisip parin nito ang naging desisyon niya. Matapos pumayag sa pakiusap ng ina ay umalis ito upang kunin ang mga gamit niya.Babalik na lang daw ito kinagabihan dahil may trabaho pa ito.
Nalaman din ni Gail na nasa squater area pa rin ito nakatira. Ngunit may marangal na itong trabaho at matagal ng tinalikuran ang pagbebenta ng sarili nitong katawan. Masaya si Gail na malaman na nagbabagong buhay na ang ina. Sana nga ay hindi na siya bumalik pa sa trabaho na iyon. Handa siyang tulungan si Gemma na magbagong buhay. Para na lamang kay Ganesh. Dahil gusto din ni Gail na maranasan ni Ganesh ang kalinga ng isang ina. Siguro ay kailangan niya lang ng panahon upang mapatawad at muling pagkatiwalaan ang
