DUMATING ang araw ng Sabado, doon lamang napansin ni Gail na lumipas ang isang linggong puno ng problema. Puno ng sari-saring emosyon na nagpahirap sa kanya. Kaya naman napagdesisyonan niya sa sariling tanggapin ang mga nagdaang pangyayari at muling bumangon sa sariling mga paa upang simulan ang panibagong araw na ibinigay sa kanya.
Alam na ni Gail ang gagawin, malinaw na ang isipan nito. Tanggap na niya na panandaliang mawawala sa kanya si Ganesh ngunit ipinangako niya sa kanyang sarili na hahanapin niya ito at kukunin. Ipinagdadasal na niya lamang sa Diyos na nasa mabuting kamay ito at maranasan ang buhay na walang hirap at problema. Alam nitong mayaman ang taong kumupkop kay Ganesh, sana nga lang at hindi nila pagbuhatan ng kamay ang kanyang kapatid.
“You want to unwind?” Iyon ang bu
