✿♡ TATE DE LUNA ♡✿
“Anak, sigurado ka bang hindi ka sasama?” tanong sa akin ni mama habang nakasunod ako sa kanila palabas sa building.
Nakagayak na sila at papunta na ngayon sa Handersfield Town dahil kinontak na siya ng parents ni Xyrus na naroon na sila sa bahay. At ihahatid na niya ngayon doon si Frida at Lily para magkaroon ng quality time sa kanila.
Bitbit ko ang dalawang backpack ni Frida at Lily na may mga damit nila when I said, “Hindi na po, ma. Pagod ako. Papahinga na lang ako rito sa condo. Balitaan mo na lang ako kapag nakarating na kayo ro’n.”
Hindi ko alam kung ano ang naging reaksyon ng mukha niya, pero dinig ko ang buntong-hininga niya habang akay sa magkabilang kamay si Frida at Lily. Pagdating namin sa sasakyan na nasa harap na ng building ay tinulungan ko siya na i
